Fjárhagur - Blogg um fjármál

Fjárhagur er vefsvæði tileinkað fræðslu um fjármál. Hér miðla starfsmenn Landsbankans af þekkingu sinni og reynslu um málefni er snerta fjármál heimilisins og efnahagsmál. Hér má einnig finna ýmis konar verkfæri sem geta hjálpað til við skipulag fjármála heimilisins. | Nánar um Fjárhag

18. október 2011 - Sigurjón Gunnarsson

Hvað eru dráttarvextir og hvernig eru þeir reiknaðir?

Dráttarvextir eru vextir sem reiknast á vanskil og eru hugsaðir til að bæta kröfueigenda upp frestun á greiðslu. Dráttarvextir koma því til þegar ekki er staðið í skilum ólíkt öðrum vöxtum sem miðast við að staðið sé í skilum.

Við vaxtaútreikning er vöxtum bætt við höfuðstól á 12 mánaða fresti. Reiknað er með 30 dögum í mánuði og 360 dögum í ári.

Í lögum um vexti og verðtryggingu er kveðið á um að Seðlabankinn ákveði dráttarvexti og auglýsi. Dráttarvextir eru gildandi vextir skammtímalána Seðlabanka Íslands til lánastofnana (stýrivaxta) að viðbættu svonefndu vanefndaálagi sem er nú 7%. Heimilt er að semja um aðra vanskilavexti að undanskyldum neytendalánum.

Í dag eru dráttarvextir 11,5%. Stýrivextir Seðlabankans eru 4,5% og að viðbættum 7% gera það 11,5%.

Dæmi um útreikning á dráttarvöxtum:

Gjalddagi 1.7.2010
Greiðsludagur 1.10.2011
Vanskil kr. 100.000

Útreikningur á dráttarvöxtum
Dags.	Vextir	Dagafj.	Höfuðstóll	Vextir
01.07.10	15,00%	60	100.000 kr.	2.500 kr.
01.09.10	14,00%	30	100.000 kr.	1.167 kr.
01.10.10	13,25%	60	100.000 kr.	2.208 kr.
01.12.10	12,50%	30	100.000 kr.	1.042 kr.
01.01.11	11,50%	60	100.000 kr.	1.917 kr.
01.03.11	11,25%	120	100.000 kr.	3.750 kr.
Samtals vextir lagðir við höfuðstól				12.583 kr.
01.07.11	11,25%	60	112.583 kr.	2.111 kr.
01.09.11	11,50%	30	112.583 kr.	1.079 kr.
01.10.11				3.190 kr.
	Heildargreiðsla:		115.773 kr.
	Samtals vextir:			15.773 kr

Skýringar töflu

Í töflunni hér að ofan má sjá hvernig dráttarvextir safnast upp yfir fimmtán mánaða vanskilatímabil. Í dæminu hefjast vanskilin 1. júlí 2010 og skuldin er gerð upp 1. október 2011.

Í dálknum “Vextir” má sjá stöðu dráttarvaxta á viðkomandi tímabili en í dálknum “Dagafjöldi” sést hve lengi viðkomandi tímabil varar. T.d. sýnir fyrsta línan 60 daga tímabil þar sem dráttarvextir eru 15% (1. júlí til 1. september). Í september eru dráttarvextir orðnir 14% (30 dagar), næstu mánaðamót eru þeir orðnir 13,25% og haldast þannig í 60 daga og svo koll af kolli.

Í lok 12 mánaða tímabilsins 1. júlí 2010 til 1. júlí 2011 leggjast loks dráttarvextirnir sem safnast hafa upp (12.583 kr.) við höfuðstólinn sem þá verður 112.583 kr.

Í dæminu er skuldin síðan gerð upp þann 1. október 2011. Þá greiðist höfuðstóllinn (sem orðinn er 112.583 kr.) auk áfallinna dráttarvaxta frá 1. júlí 2011 sem eru 3.190 kr.

Heildargreiðslan er því 115.773 kr. en en þar af eru dráttarvextir 15.773 kr.

Rétt er að gera sér grein fyrir því að til viðbótar við dráttarvexti má búast við að innheimtukostnaður bætist við sérstaklega ef vanskil hafa varað lengi.

Úr lögum um vexti og verðtryggingu

III. kafli. Dráttarvextir.

5. gr. Hafi gjalddagi verið fyrir fram ákveðinn er kröfuhafa heimilt að krefja skuldara um dráttarvexti sem reiknast af ógreiddri peningakröfu frá og með gjalddaga fram að greiðsludegi.

- Dráttarvextir skulu ætíð reiknast sem dagvextir nema á annan veg sé sérstaklega mælt í lögum.

- Nú er ekki samið um gjalddaga kröfu og er þá heimilt að reikna dráttarvexti frá og með þeim degi þegar liðinn er mánuður frá því að kröfuhafi sannanlega krafði skuldara með réttu um greiðslu. Sé greiðslukrafan sett fram á mánaðardegi sem ekki er til í næsta mánuði skal skuldari greiða dráttarvexti frá og með síðasta degi þess mánaðar.

- Þrátt fyrir ákvæði 3. mgr. er ætíð heimilt að reikna dráttarvexti frá og með þeim degi er dómsmál er höfðað um kröfu, sbr. þó 9. gr.

6. gr. Dráttarvextir skulu vera samtala gildandi vaxta algengustu skammtímalána Seðlabanka Íslands til lánastofnana (grunnur dráttarvaxta) auk [sjö hundraðshluta álags]1) (vanefndaálag), nema um annað sé samið skv. 2. mgr. þessarar greinar. …1) Seðlabankinn skal birta dráttarvexti samkvæmt þessari málsgrein eigi skemur en viku fyrir gildistökudaga dráttarvaxta sem eru [fyrsta dag hvers mánaðar].1)

- Heimilt er að semja um fastan hundraðshluta vanefndaálags ofan á grunn dráttarvaxta skv. 1. mgr., að undanskildum neytendalánum. Einnig er heimilt að semja um fastan hundraðshluta dráttarvaxta, að undanskildum neytendalánum.

12. gr. Sé vaxtatímabil lengra en tólf mánuðir án þess að vextirnir séu greiddir skulu þeir lagðir við höfuðstól og nýir vextir reiknaðir af samanlagðri fjárhæð. Ekki skal bæta vöxtum við höfuðstól oftar en á tólf mánaða fresti, nema um sé að ræða innlánsreikninga lánastofnana.

- Við útreikning vaxta skulu taldir 30 dagar í hverjum mánuði og 360 dagar í ári, nema um annað sé samið eða venja standi til annars.

Flokkur:Hugtök Lykilorð:Dráttarvextir, Lán, Stýrivextir, Vaxtareikningur, Vextir

Til baka

RSS

Sjálfvirkt heimilsbókhald

Heimilisbókhaldið í Einkabankanum veitir þér góða yfirsýn yfir fjármál heimilisins á myndrænan hátt. Heimilisbókhaldið er mjög einfalt og auðskilið og því fylgir engin fyrirhöfn og enginn kostnaður.

Nánar um heimilisbókhald

Einfalt stöðumat

Hér má má gera einfalt yfirlit yfir ráðstöfunartekjur heimilisins og skiptingu útgjalda. Yfirlitið hjálpar þér að meta helstu útgjaldaþætti heimilisins, reikna út greiðslugetu áður en ný lán eru tekin, og finna laust fé til að leggja fyrir í reglubundinn sparnað.

Nánar um stöðumat

Reiknivélar

Góð yfirsýn yfir fjármálin er nauðsynlegur þáttur í að tryggja traustan fjárhag fjölskyldunnar. Hér er að finna reiknivélar sem auðvelda þér að fá yfirsýn yfir stöðu fjármála þinna og að taka réttar fjárhagslegar ákvarðanir. Einnig getur þú sett upp þína eigin greiðsluáætlun og sótt um greiðsluþjónustu.

Nánar um reiknivélar

l.is

Á farsímavef Landsbankans l.is eru ýmsar gagnlegar upplýsingar auk þess sem hægt er að tengjast Einkabankanum.

Nánar um l.is

Einkabanki

Í Einkabanka Landsbankans getur þú stundað öll almenn bankaviðskipti hratt og örugglega, allan sólarhringinn og þannig sparað tíma, fé og fyrirhöfn.

Nánar um Einkabankann

E*Trade

E*TRADE er verðbréfavefur þar sem viðskiptavinum gefst tækifæri að eiga milliliðalaus viðskipti á netinu á verðbréfamörkuðum í Bandaríkjunum, Danmörku, Finnlandi, Noregi og Svíþjóð. Landsbankinn býður upp á þessa þjónustu í samstarfi við E*TRADE Bank Danmark.

Nánar um E*Trade

Markaðir

Á markaðahluta landsbankinn.is má sjá upplýsingar um viðskipti dagsins á íslenskum mörkuðum; þróun íslenskra og erlendra vísitalna, gjaldmiðlakrossa og breytingar á vísitölu neysluverðs. Einnig birtast þar fréttir frá Kauphöll Íslands og fréttir frá Greiningardeild Landsbankans.

Nánar um markaði