Hagsjá

Ferðamenn auka neyslu sína í eigin gjaldmiðli

Styrking krónunnar á síðustu árum þýðir að tekjur af meðalferðamanninum hefur verið að dragast í krónum talið. Árið í fyrra var hins vegar fimmta árið í röð þar sem neysla hvers ferðamanns eykst í erlendri mynt.

30. janúar 2018  |  Hagfræðideild

Samantekt

Greiðslukortavelta erlendra ferðamanna nam 259 ma.kr. á síðasta ári og jókst um tæpa 28 ma.kr. milli ára, eða um 12%. Til samanburðar nam fjölgun ferðamanna hingað til lands um Leifsstöð 24%. Hver ferðamaður hefur því að meðaltali dregið úr neyslu sinni um 9,8% mælt í krónum. Þar sem krónan styrktist milli ára er ekkert óeðlilegt að ferðamenn hafi dregið úr neyslu sinni í krónum ef gert er ráð fyrir að neysla ferðamanna mæld í þeirra eigin gjaldmiðli taki litlum breytingum yfir tíma. Sé neyslan sett á fast gengi sést að neyslan jókst um 25,4% sem er eilítið meira en sem nemur fjölgun ferðamanna. Á þennan mælikvarða jókst neysla meðalferðamannsins því um 0,9% milli ára, mælt í erlendri mynt.



Mesti samdrátturinn í úttektum á reiðufé

Af stærstu kostnaðarliðunum var mesti samdrátturinn í úttektum á reiðufé, sem nam 23,3%. Næstmesti samdrátturinn lá í opinberum gjöldum en þau drógust saman um 16,5% milli ára. Þriðji mesti samdrátturinn var í menningar-, afþreyingar- og tómstundastarfsemi (3,5%) og fjórði mesti samdrátturinn var í verslun (3,1%). Neysla á öðrum liðum jókst milli ára. Mesta aukningin var í bensíni, viðgerðum og viðhaldi bifreiða (8,4%). Næstmesta aukningin var í gistiþjónustu, eða 7,4%. Aukning annarra liða var minni.

Lesa Hagsjána í heild

Hagsjá: Ferðamenn auka neyslu sína í eigin gjaldmiðli (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

No filter applied

Tengdar greinar