Hagsjá

Fasteignaverð á Akureyri – hóflegri hækkanir nú en í síðustu uppsveiflu

Samkvæmt Þjóðskrá Íslands hélt fermetraverð áfram að hækka á Akureyri á síðasta ári líkt og það hefur gert samfellt frá 2009. Hæsta fermetraverðið árið 2017 var í Naustahverfi sem skýrist einna helst af aldri hverfisins, en Naustahverfi er yngsta hverfið á Akureyri.

27. júlí 2018  |  Hagfræðideild

Samantekt

Fermetraverð á Akureyri hækkaði um 15,1% milli áranna 2016 og 2017. Frá árinu 2009 hefur fermetraverð hækkað samhliða jafnri fjölgun fasteignaviðskipta.

Mest var hækkunin á Brekkunni og í Innbænum, eða 26,4%, en minnst á Oddeyri, eða 11,2%. Hæsta fermetraverðið mátti finna í Naustahverfi, 346 þús. Næst á eftir kom Giljahverfi með 320 þús. Lægstu fermetraverðin voru á Oddeyri, 220 þús., og í Holta- og Hlíðahverfi, 259 þús.

Munurinn á dýrasta og ódýrasta hverfinu hélt áfram að aukast á árinu. Munurinn nam um 126 þús. á fermetra en hann hefur aukist jafnt og þétt frá 2010 þegar hann var 72 þús.


Breyting á fermetraverði og fjöldi viðskipta á Akureyri

Hóflegri hækkanir hafa verið á fermetraverði á Akureyri í þeirri uppsveiflu sem hefur verið undanfarin ár (2015-2017) en í síðustu uppsveiflu (2004-2006). Milli áranna 2004-2006 var 57,1% hækkun á fermetraverði en milli áranna 2015-2017 var hækkunin 26,5%.
 

Hóflegri hækkanir hafa verið á fermetraverði á Akureyri í þeirri uppsveiflu sem hefur verið undanfarin ár (2015-2017) en í síðustu uppsveiflu (2004-2006). Hækkanir hafa legið á bilinu 1,6%-15,1% undanfarin 7 ár á meðan hækkanir milli áranna 2004-2005 námu 19,3% og 31,7% 2005-2006. Milli áranna 2004-2006 var 57,1% hækkun á fermetraverði en milli áranna 2015-2017 var hækkunin 26,5%.

Fermetraverð á Akureyri hefur haldið áfram að hækka þrátt fyrir rólegri tíma á höfuðborgarsvæðinu. Mikil uppbygging nýrra íbúða er nú í gangi bæði í Naustahverfi sem og í Innbænum. Þegar þær fasteignir fara á sölu er því von á að meðalfermetraverð á Akureyri hækki enn frekar. Nýjar íbúðir hafa almennt hærra fermetraverð, auk þess sem staðsetning margra nýju íbúðanna er eftirsóknarverð.

Lesa Hagsjána í heild

Hagsjá: Fasteignaverð á Akureyri - hóflegri hækkanir nú en í síðustu uppsveiflu (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

5850a07c-403d-11e5-af9c-0050568800ef

No filter applied

Tengdar greinar