Hagsjá

Bandaríkjamenn halda uppi fjölgun ferðamanna

Þrátt fyrir að ferðamönnum hafi haldið áfram að fjölga nú í júlí miðað við sama mánuð í fyrra var það einungis ein þjóð, Bandaríkjamenn, sem hélt uppi fjölguninni en án Bandaríkjamanna hefði mælst 8% fækkun ferðamanna.

10. ágúst 2018  |  Hagfræðideild

Samantekt

Alls nam fjöldi erlendra ferðamanna hér á landi 278.613 í júlímánuði og jókst fjöldinn um 6.693 miðað við sama mánuð í fyrra eða um 2,5%. Verulega hefur hægt á fjölgun erlendra ferðamanna á síðustu ársfjórðungum eftir mikla hlutfallslega aukningu á síðustu árum. Ferðamönnum er þó enn að fjölga og hefur einungis mælst fækkun í einum mánuði á þessu ári en það var í apríl þegar ferðamönnum fækkaði um 3,9% miðað við sama mánuð í fyrra. Fyrstu 7 mánuði ársins nam fjöldi erlendra ferðamanna tæplega 1.306 þúsund manns borið saman við 1.245 þúsund á sama tímabili í fyrra og nemur aukningin 4,9% milli ára. Til samanburðar nam fjölgunin 33% á fyrstu 7 mánuðum ársins 2017 borið saman við sama tímabil árið áður.



Hlutfallslega fjölgaði ferðamönnum mest í maí þegar þeim fjölgaði um 13,2%. Í nóvember fór fjölgunin í fyrsta skiptið undir tveggja stafa tölu frá því í nóvember 2011. Síðan í nóvember hefur fjölgunin verið undir tveggja stafa tölu ef frá er talinn maí.

Lesa Hagsjána í heild

Hagsjá: Bandaríkjamenn halda uppi fjölgun ferðamanna (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

f633c6f5-acfd-11e7-8be4-0050568800ef

No filter applied

Tengdar greinar