Hagsjá

Spáum lækkun stýrivaxta

Vaxtalækkunarferli Seðlabankans hófst í maí síðastliðnum og teljum við að næsta vaxtalækkunarskref verði tekið í næstu viku.

20. júní 2019  |  Hagfræðideild

Samantekt

Nefndin lækkaði stýrivexti um 0,5 prósentustig í maí síðastliðnum en við teljum að það hafi verið fyrsta skrefið í vaxtalækkunarferli sem muni standa yfir næstu misseri. Við gerum ráð fyrir að nefndin eigi eftir að lækka vexti alls um 1 prósentustig til viðbótar og muni þær lækkanir verða teknar í skrefum á næstu misserum. Við teljum að það sem helst muni hafa áhrif á ákvörðunina nú sé annars vegar veiking krónunnar, sem dregur heldur úr líkum á vaxtalækkun, og hins vegar lækkun verðbólguvæntinga fyrirtækja, sem styður við að næsta skref í lækkun vaxta verði tekið. Þessir tveir þættir munu vegast á en við teljum að lækkun verðbólguvæntinga í átt að markmiði muni vega þyngra. Líklegt má telja að nefndinni sé mjög umhugað um að hvorki dýpka né lengja fyrirséðan samdrátt í hagkerfinu með því að draga ekki nægilega mikið úr aðhaldi peningastefnunnar, að því gefnu að langtímaverðbólguvæntingar haldist nálægt markmiði. Það mun einnig lita ákvörðunina nú.

Lesa Hagsjána í heild

Hagsjá: Spáum lækkun stýrivaxta (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

11

No filter applied

Tengdar greinar