Hagsjá

Kortavelta ferðamanna dregst saman

Færri ferðamenn komu til landsins um Leifsstöð í september en á sama tíma fyrir ári en dvalartími og meðaleyðsla hvers ferðamanns hefur hins vegar aukist.

7. nóvember 2019  |  Hagfræðideild

Samantekt

Í september komu um 180 þús. ferðamenn til landsins um Leifsstöð og voru þeir 21% færri en í september fyrir ári síðan. Allt frá áramótum hefur verið stöðug fækkun á mánaðarlegum komum ferðamanna til landsins samanborið við sama mánuð árið áður og á fyrstu 9 mánuðum ársins komu 14% færri ferðamenn til landsins samanborið við fyrstu 9 mánuðina í fyrra.

Fækkun ferðamanna hefur auðvitað þau áhrif að erlend kortavelta hér á landi dregst einnig saman. Kortaveltan dróst saman um 10% í september samanborið við sama tíma í fyrra í krónum talið og um 16% sé litið til veltunnar miðað við fast gengi.

Ef heildarkortaveltu erlendra greiðslukorta er deilt niður á fjölda ferðamanna má áætla meðaleyðslu hvers ferðamanns. Miðað við þann mælikvarða eyddi hver ferðamaður um 119 þús. kr. í heimsókn sinni hér á landi í september sem er 14% meira en hver ferðamaður eyddi í september í fyrra í krónum talið. Gengið veiktist yfir tímabilið sem gerir það að verkum að kaupmáttur ferðmanna jókst og því gátu þeir eytt fleiri krónum án þess að vera að eyða meiru í sinni eigin mynt.

Hver ferðamaður sem kom hingað til lands í september dvaldi að meðaltali 5,4 nætur, óháð gististað, sem er heilli gistinótt lengur en meðal ferðamaðurinn dvaldi hér á landi í september í fyrra. Það kemur því ekki á óvart að meðalkortavelta ferðamanna hafi aukist þegar dvalartíminn lengist.




Ferðamenn virðast þó eyða minna á hvern dag eftir því sem dvölin verður lengri. Í september eyddi hver ferðamaður um 160 evrum á dag sem jafngildir 22 þús. kr. Fyrir ári síðan eyddi hver ferðamaður 183 evrum á dag sem jafngilti rúmum 23 þús. kr. Samdrátturinn í september varð meiri í evrum en í krónum sem skýrist af gengisveikingu krónunnar.

Lesa Hagsjána í heild

Hagsjá: Kortavelta ferðamanna dregst saman (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara.

2

No filter applied

Tengdar greinar