Hagsjá

Miðborgarálagið lækkar á íbúðamarkaði

Misjöfn þróun á íbúðamarkaði eftir hverfum höfuðborgarsvæðisins. Nýjar íbúðir hafa lækkað í verði miðsvæðis en hækkað annars staðar.

3. febrúar 2020  |  Hagfræðideild

Samantekt

Við greindum frá því á dögunum að almennt hafi verðhækkanir á síðasta ári verið sögulega litlar á höfuðborgarsvæðinu og stöðugleiki ríkt á húsnæðismarkaði. Þróunin var þó misjöfn eftir hverfum höfuðborgarsvæðisins, mismikið seldist af nýjum íbúðum, verðálag nýbygginga var mishátt og verðhækkanir því einnig mismiklar.

Af einstaka svæðum höfuðborgarsvæðisins hækkaði verð mest um tæp 7% milli ára í Garðbæ í fyrra. Tæplega helmingur allrar íbúðasölu í Garðbæ síðustu ár hefur verið vegna sölu á nýbyggingum, og nýju íbúðirnar í Garðbæ hækkuðu um 10% milli ára í fyrra sem er meiri hækkun en mældist annars staðar.

Sé litið til meðalhækkunar á ári á síðustu fjórum árum hefur verð að jafnaði hækkað mest milli ára í Mosfellsbæ og minnst í miðbæ Reykjavíkur. Miðbærinn virðist ekki hafa fylgt verðþróun í öðrum hverfum, með þeim afleiðingum að svokallað miðborgarálag hefur lækkað. Í fyrra voru íbúðir á bilinu 9-31% ódýrari fyrir utan miðborgina, samanborið við 16-39% ódýrari árið 2015.




Minna hefur selst af nýjum íbúðum í miðbæ Reykjavíkur samanborið nágrannasveitarfélög á síðustu árum sem kann að vera skýringin á hægari verðþróun. Að jafnaði hafa nýbyggingar verið tæp 12% af seldum íbúðum í miðborginni samanborið við 20-50% í Garðabæ, Mosfellsbæ og Kópavogi.

Lesa Hagsjána í heild

Hagsjá: Miðborgarálagið lækkar á íbúðamarkaði (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara.

5850a07d-403d-11e5-af9c-0050568800ef

No filter applied

Tengdar greinar