Hagsjá

Verðlækkun á leigumarkaði

Leiguverð hefur lækkað stöðugt frá því í febrúar og mælist nú í fyrsta sinn frá upphafi mælinga lækkun á milli ára. Aukning hefur orðið á mánaðarlegum fjölda þinglýstra leigusamninga, sem gæti verið til marks um aukið framboð.

25. júní 2020  |  Hagfræðideild

Samantekt

Samkvæmt tölum Þjóðskrár Íslands lækkaði leiguverð á höfuðborgarsvæðinu um 2,2% milli apríl og maí. Leiguverð hefur nú lækkað fjóra mánuði í röð sem er lengsta samfellda tímabil verðlækkana frá því að mælingar á leiguverði hófust í upphafi árs 2011. Ef litið er til þróunar 12 mánuði aftur í tímann, hefur leiguverð nú lækkað um 0,2% frá því í maí fyrir ári síðan, og er þetta í fyrsta sinn frá því að mælingar hófust sem lækkun mælist milli ára.




Til samanburðar mældist óvenju mikil hækkun á íbúðaverði milli mánaða í maí. Kaupverð á íbúðum í fjölbýli hækkaði um 0,9% og mælist 12 mánaða hækkun 4,5%. Stærstan hluta þessa árs hefur 12 mánaða hækkun leiguverðs mælst ofar sambærilegum hækkunum á íbúðaverði.

Lesa Hagsjána í heild

Hagsjá: Verðlækkun á leigumarkaði (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara.

5850a07d-403d-11e5-af9c-0050568800ef

No filter applied

Tengdar greinar