Hagsjá

Hófleg hækkun íbúðaverðs í júní

Íbúðaverð á höfuðborgarsvæðinu hækkaði lítið milli mánaða í júní eða aðeins um 0,2%. Nýbirt gögn um flutningsjöfnuð benda til þess að eftirspurn eftir húsnæði geti farið minnkandi, á sama tíma og mikið virðist vera fjárfest í nýju íbúðarhúsnæði.

22. júlí 2020  |  Hagfræðideild

Samantekt

Samkvæmt nýbirtum tölum Þjóðskrár Íslands hækkaði íbúðaverð á höfuðborgarsvæðinu að meðaltali um 0,2% milli maí og júní. Verð á fjölbýli lækkaði um 0,5% en verð á sérbýli hækkaði um 2,5%. Hækkunin er býsna mikil milli mánaða hvað sérbýli varðar, eða sú mesta síðan í mars 2017. Talsvert flökt getur þó verið á verðlagi milli mánaða, sér í lagi þegar fáir samningar eru undir, en líkt og við greindum nýverið frá var fáum kaupsamningum þinglýst á höfuðborgarsvæðinu í júní og ber því að taka niðurstöðuna með þeim fyrirvara.




Ef litið er til þróunar á íbúðaverði á öðrum ársfjórðungi í heild sinni, þá hækkaði íbúðaverð um um 3,6% milli ára sem er 0,2 prósentustiga meiri hækkun en mældist milli ára á fyrsta fjórðungi þessa árs. Íbúðaverð hefur haldist nokkuð stöðugt og hefur sem mest hækkað um tæpt prósentustig milli mánaða það sem af er ári.

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs. Þessi niðurstaða gæti haft áhrif á eftirspurn eftir húsnæði og þar með verðmyndun á markaði.

Lesa Hagsjána í heild

Hagsjá: Hófleg hækkun íbúðaverðs í júní (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara.

No filter applied

Tengdar greinar