Hagsjá

Ávöxtun af húsaleigu helst stöðug

Ávöxtun af útleigu íbúðarhúsnæðis mælist nú 6,88% að meðaltali og hækkar um 0,06 prósentustig frá því í fyrra. Ávöxtun er mismikil eftir því hvort leigusali er einstaklingur eða fyrirtæki og er einnig ólík eftir landsvæðum.

2. september 2020  |  Hagfræðideild

Samantekt

Þjóðskrá birti nýverið tölur um ávöxtun af húsaleigu síðastliðna 12 mánuði. Meðalávöxtun fyrirtækja sem leigja út íbúðarhúsnæði mælist 7,2% og eykst um 0,2 prósentustig frá því í fyrra. Meðalávöxtun einstaklinga sem leigja út íbúðarhúsnæði mælist 6,7% og er óbreytt frá því í fyrra. Samantekið nemur ávöxtun af útleigu íbúðarhúsnæðis 6,88% og hækkar um 0,06 prósentustig frá því í fyrra.

Ávöxtun samkvæmt skilgreiningu og útreikningum Þjóðskrár1 hefur haldist nær óbreytt á síðustu þremur árum eftir mikla hækkun á árunum 2011-2014 og svo lækkun á árunum 2015-2018. Nú virðist nokkurs konar stöðugleiki hafa náðst þar sem ávöxtun mælist tæp 7%.




Ávöxtun mælist hærri utan höfuðborgarsvæðis en innan þess, bæði meðal fyrirtækja og einstaklinga. Ávöxtun einstaklinga mælist 6,3% á höfuðborgarsvæðinu og 6,5% utan þess og ávöxtun fyrirtækja mælist 7,8% á höfuðborgarsvæðinu og 8,0% utan þess. Samanlagt mælist ávöxtun 6,4% á höfuðborgarsvæðinu en 7,9% utan þess. Fasteignaverð er lægra utan höfuðborgarsvæðisins og kann það að skýra hærri ávöxtun að einhverju leyti.


1 Leiguverð samkvæmt þinglýstum leigusamningum er borið saman við fasteignamat viðkomandi eignar og þannig fengin ávöxtun á ársgrundvelli. Þjóðskrá gerir ekki tilraun til þess að áætla aðra kostnaðarliði við leigustarfsemi og er það ekki heldur gert hér. En gera má ráð fyrir því að rekstrarkostnaður sé mjög ólíkur eftir leigusölum og svæðum.


Lesa Hagsjána í heild

Hagsjá: Ávöxtun af húsaleigu helst stöðug (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara.

51fcf109-ed1f-11ea-9115-005056be2922

No filter applied

Tengdar greinar