Hagsjá

Greiðslukortavelta jókst lítillega í september

Kortanotkun Íslendinga jókst um 0,5% milli ára í september og þróast nú í auknum mæli í takt við kaupmátt

15. október 2019  |  Hagfræðideild

Samantekt

Velta innlendra greiðslukorta jókst um 0,5% að raunvirði milli ára í september. Velta í verslunum hér á landi jókst um 0,3% milli ára miðað við fast verðlag og 1,5% í viðskiptum erlendis miðað við fast gengi. Til samanburðar var vöxturinn 10,3% erlendis og 3% í verslunum hér á landi í september í fyrra.

Líkt og bent hefur verið á í fyrri Hagsjám er verulega farið að hægja á kortaveltu Íslendinga. Á þriðja ársfjórðungi jókst kortaveltan alls um 0,2% milli ára sem er minnsti vöxtur síðan á fyrsta fjórðungi 2013.




Kortavelta þróast nú í auknum mæli í takt við kaupmátt launa sem bendir til að landsmenn séu síður að eyða umfram efni. Kaupmáttur launa hefur aukist um 1,1% milli ára á fyrstu tveimur mánuðum þriðja ársfjórðungs sem er tæpu prósentustigi ofar aukningunni í kortaveltu á þriðja ársfjórðungi.

Samsetning kortaveltunnar hefur tekið ákveðnum breytingum síðustu ár þar sem aukinn hluti fer fram í gegnum viðskipti erlendis, bæði í gegnum fleiri utanlandsferðir Íslendinga og aukningar netverslunar. Það sem af er ári hefur um 20% veltunnar verið erlendis og var hlutfallið til samanburðar um 11% fyrir 5 árum síðan.

Lesa Hagsjána í heild

Hagsjá: Greiðslukortavelta jókst lítillega í september (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

748459d0-ef58-11e9-910c-005056be2922

No filter applied

Tengdar greinar