Hagsjá

Veruleg aukning viðskipta á fasteignamarkaði í maí

Viðskipti með fasteignir á höfuðborgarsvæðinu tóku töluverðan kipp upp á við í maí og hafa ekki verið meiri frá því í mars í fyrra. Sé litið á fjölda viðskipta fyrstu 5 mánuði ársins voru þau orðin eilítið meiri en á sama tíma í fyrra.

20. júní 2018  |  Hagfræðideild

Samantekt

Samkvæmt tölum Þjóðskrár hækkaði fasteignaverð á höfuðborgarsvæðinu um 1,1% milli apríl og maí. Verð á fjölbýli hækkaði óverulega og verð á sérbýli hækkaði um 2,8%.



Verð á fjölbýli hefur hækkað um 2,9% á síðustu 12 mánuðum og verð á sérbýli um 9,2%. Heildarhækkun húsnæðisverðs nemur 4,6% og hefur árshækkunin ekki verið minni síðan um mitt ár 2013. Fasteignaverð á höfuðborgarsvæðinu hafði nú í maí hækkað um 2,7% á síðustu sex mánuðum, en hækkaði um 1,8% næstu sex mánuði þar á undan.

Veruleg hækkun fasteignaverðs á síðustu misserum hefur orðið samhliða mjög lítilli verðbólgu og reyndar hefur verðbólga án húsnæðis verið neikvæð í langan tíma. Raunhækkun húsnæðisverðs mæld á föstu verðlagi án húsnæðis hefur því verið veruleg, en verulega hefur þó hægt á árshækkuninni síðustu mánuði. Þannig var raunverð fasteigna nú í maí um 4,7% hærra en það var í maí 2017.

Viðskipti með fasteignir á höfuðborgarsvæðinu tóku töluverðan kipp upp á við í maí og hafa ekki verið meiri frá því í mars í fyrra. Sé litið á fjölda viðskipta fyrstu 5 mánuði ársins voru þau orðin eilítið meiri en á sama tíma í fyrra.

Eins og alltaf er varasamt að horfa mjög mikið á niðurstöðu einstakra mánaða við mat á verðþróun á fasteignamarkaði. Þróunin allt frá miðju síðasta ári sýnir að kaflaskil hafi orðið á fasteignamarkaðnum á höfuðborgarsvæðinu. Verð á fjölbýli er enn stöðugt, en verð á sérbýli tók nokkuð stökk upp á við nú eftir tiltölulega rólega tíma. Að öllu jöfnu ætti sumarið að verða tiltölulega rólegt, en fasteignamarkaðurinn hefur sýnt að hann getur hagað sér öðruvísi.

Lesa Hagsjána í heild

Hagsjá: Veruleg aukning viðskipta a fasteignamarkaði í maí (PDF)

Póstlistar

Þú getur fengið reglulegar tilkynningar um nýtt útgáfuefni Landsbankans með því að skrá þig á póstlista. Bankinn gefur út fjölbreytt efni um fjármál, efnahagsmál, eignastýringu og ýmislegt fleira.

Skráðu þig á póstlista

Fyrirvari

Innihald og form þeirra greininga sem birtast hér er unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær voru dagsettar, en þær geta breyst án fyrirvara

fbbbc542-747e-11e8-8833-0050568800ef

No filter applied

Tengdar greinar